phul galon ko to aankhon ko kanwal kahta raha

phuul gāloñ ko to āñkhoñ ko kañval kahtā rahā

jang thī bāhar galī meñ maiñ ġhazal kahtā rahā

mar rahe the rafta rafta mere sab mahsūr dost

aur maiñ masjid meñ rabb-e-lam-yazal kahtā rahā

shā.erī kī aur nazar-andāz kī bachchoñ kī bhuuk

chāñd ko roTī kā maiñ nemul-badal kahtā rahā

aa paḌā dil par mire āḳhir mirā kohna vajūd

roz dastak de ke is ghar se nikal kahtā rahā

aa ga.ī āḳhir mire sar par mire dushman kī fauj

maiñ bhī tayyārī karūñgā āj-kal kahtā rahā

tai na kar paayā kabhī apnā tashaḳhḳhus hī 'nasīm'

āb-e-zamzam ko hamesha gangā-jal kahtā rahā

phul galon ko to aankhon ko kanwal kahta raha

jang thi bahar gali mein main ghazal kahta raha

mar rahe the rafta rafta mere sab mahsur dost

aur main masjid mein rabb-e-lam-yazal kahta raha

shaeri ki aur nazar-andaz ki bachchon ki bhuk

chand ko roTi ka main nemul-badal kahta raha

aa paDa dil par mere aaKHir mera kohna wajud

roz dastak de ke is ghar se nikal kahta raha

aa gai aaKHir mere sar par mere dushman ki fauj

main bhi tayyari karunga aaj-kal kahta raha

tai na kar paya kabhi apna tashaKHKHus hi 'nasim'

aab-e-zamzam ko hamesha ganga-jal kahta raha