پھول ہونٹوں کو غزل خواں دیکھنا
مجھ کو بہکانے کے ساماں دیکھنا
دیکھنا دل کے در و دیوار پر
چاند چہروں کا چراغاں دیکھنا
گل لبوں سے کی ہے میں نے گفتگو
میرے ہونٹوں پر گلستاں دیکھنا
زلف لہرا کے مرے دل میں ذرا
خواہشوں کا ایک طوفاں دیکھنا
اس کو پا لینا تو پھر میری طرح
خود کو خود اپنا ہی خواہاں دیکھنا
جلتے رہنا اس کے غم کی آنچ پر
درد بن جائے گا درماں دیکھنا
تجھ کو جب چاہا تو بسملؔ بن گیا
کتنا دانا ہے یہ ناداں دیکھنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
