phul jitne hain tumhaare haar mein

phuul jitne haiñ tumhāre haar meñ

sab guñdhe haiñ āñsuoñ ke taar meñ

jis ne chāhā tujh ko sar-gardāñ rahā

dasht meñ koī koī kohsār meñ

dil ke TukḌe o sitamgar bāñdh le

koī ḳhanjar meñ koī talvār meñ

har jagah haiñ chāhne vaale tire

koī sahrā meñ koī gulzār meñ

hai jagah sar phoḌ lene ko bahut

kyā dharā hai aap kī dīvār meñ

tū agar dam bhar ko aa jaa.e masīh

jaan aa jaa.e tire bīmār meñ

jo bane ai charḳh vo ham par bane

par na farq aa.e tirī raftār meñ

āñkhoñ hī āñkhoñ meñ ai 'anjum' kaTī

raat saarī intizār-e-yār meñ

phul jitne hain tumhaare haar mein

sab gundhe hain aansuon ke tar mein

jis ne chaha tujh ko sar-gardan raha

dasht mein koi koi kohsar mein

dil ke TukDe o sitamgar bandh le

koi KHanjar mein koi talwar mein

har jagah hain chahne wale tere

koi sahra mein koi gulzar mein

hai jagah sar phoD lene ko bahut

kya dhara hai aap ki diwar mein

tu agar dam bhar ko aa jae masih

jaan aa jae tere bimar mein

jo bane ai charKH wo hum par bane

par na farq aae teri raftar mein

aankhon hi aankhon mein ai 'anjum' kaTi

raat sari intizar-e-yar mein