phul KHushbu sham sawan shaghl-e-paimana chale

phuul ḳhushbū shaam sāvan shaġhl-e-paimāna chale

jis ko chalnā hai hamāre saath mai-ḳhāna chale

yuuñ chale lahrā ke jaise mauj bal khaa.ī huī

yā sahāb-e-mast jaise chaal mastāna chale

zulf sumbul phuul lab ruḳhsār par rañg-e-shafaq

juñbisheñ āñkhoñ kī palkoñ meñ ki paimāna chale

us se kah do pattharoñ ke but meñ Dhal jā.eñge sab

ab na ye jādu-e-chashm-e-mai-e-faroshāna chale

shukriya ahbāb kā jin kī mohabbat ke tufail

mujh se kuchh aage hī aage merā afsāna chale

is galī meñ 'mīr' kā ham-sar na aayā phir 'shamīm'

vo jo qātil ko duā de kar faqīrāna chale

phul KHushbu sham sawan shaghl-e-paimana chale

jis ko chalna hai hamare sath mai-KHana chale

yun chale lahra ke jaise mauj bal khai hui

ya sahab-e-mast jaise chaal mastana chale

zulf sumbul phul lab ruKHsar par rang-e-shafaq

junbishen aankhon ki palkon mein ki paimana chale

us se kah do pattharon ke but mein Dhal jaenge sab

ab na ye jadu-e-chashm-e-mai-e-faroshana chale

shukriya ahbab ka jin ki mohabbat ke tufail

mujh se kuchh aage hi aage mera afsana chale

is gali mein 'mir' ka ham-sar na aaya phir 'shamim'

wo jo qatil ko dua de kar faqirana chale