phul ko Khaar likhen Khaar ko shabnam likkhen
phuul ko ḳhaar likheñ ḳhaar ko shabnam likkheñ
zaḳhm gahrā ho to āsūda-e-marham likkheñ
narm alfāz hī tahrīr ke shā.inda haiñ
ye munāsib hai ki kāġhaz ko bhī resham likkheñ
ek ik harf se ḳhushbu-e-bahārāñ jaage
saade kāġhaz pe kabhī phuul agar ham likkheñ
ġham ko rañgīn banā deñge mohabbat ke ḳhutūt
aap kuchh ham ko likheñ aap ko kuchh ham likkheñ
husn-e-ijmāl meñ tafsīr ke pahlū haiñ bahut
kuchh ziyāda bhī agar likhnā ho to kam likheñ
phul ko KHar likhen KHar ko shabnam likkhen
zaKHm gahra ho to aasuda-e-marham likkhen
narm alfaz hi tahrir ke shainda hain
ye munasib hai ki kaghaz ko bhi resham likkhen
ek ek harf se KHushbu-e-bahaaran jage
sade kaghaz pe kabhi phul agar hum likkhen
gham ko rangin bana denge mohabbat ke KHutut
aap kuchh hum ko likhen aap ko kuchh hum likkhen
husn-e-ijmal mein tafsir ke pahlu hain bahut
kuchh ziyaada bhi agar likhna ho to kam likhen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
