phul kuchh aur khilaenge tum aao to sahi

phuul kuchh aur khilā.enge tum aao to sahī

apnī palkoñ pe biThā.eñge tum aao to sahī

dost dushman kī bhī ho jā.egī pahchān abhī

aa.ina aisā dikhā.eñge tum aao to sahī

apnī nākām mohabbat kī rifāqat ke liye

pyaar ke diip jalā.eñge tum aao to sahī

dushmanī ham se karo bhī to koī baat nahīñ

dostī phir bhī nibhā.eñge tum aao to sahī

qatl-gāhoñ se guzar paa.e na mazlūm koī

ham ye āvāz uThā.eñge tum aao to sahī

is qadar duur 'ziyā' jāoge ma.alūm na thā

qissa-e-dard sunā.eñge tum aao to sahī

phul kuchh aur khilaenge tum aao to sahi

apni palkon pe biThaenge tum aao to sahi

dost dushman ki bhi ho jaegi pahchan abhi

aaina aisa dikhaenge tum aao to sahi

apni nakaam mohabbat ki rifaqat ke liye

pyar ke dip jalaenge tum aao to sahi

dushmani hum se karo bhi to koi baat nahin

dosti phir bhi nibhaenge tum aao to sahi

qatl-gahon se guzar pae na mazlum koi

hum ye aawaz uThaenge tum aao to sahi

is qadar dur 'ziya' jaoge malum na tha

qissa-e-dard sunaenge tum aao to sahi