phul se lahje mein talwar kahan se aai

phuul se lahje meñ talvār kahāñ se aa.ī

tujh meñ ye jur.at-e-inkār kahāñ se aa.ī

maiñ to samjhā thā ki thak jā.uñgā chalte chalte

mere qadmoñ meñ ye raftār kahāñ se aa.ī

ye to sab maañ kī du'āoñ kā asar hai varna

gardish-e-vaqt taraf-dār kahāñ se aa.ī

kholiyāñ zaḳhmī parindoñ kī tarah se taḌpeñ

TūTtī raat meñ ye car kahāñ se aa.ī

maiñ to pardes meñ rahtā huuñ mire bhaa.ī batā

mere āñgan meñ ye dīvār kahāñ aa.ī

gir ga.ī hai to ye ehsās hai nange sar huuñ

sochtā huuñ ki ye dastār kahāñ se aa.ī

bint-e-iflās ne Thukrā diyā shahzāda-e-zar

is qabīle meñ ye ḳhuddār kahāñ se aa.ī

phul se lahje mein talwar kahan se aai

tujh mein ye jurat-e-inkar kahan se aai

main to samjha tha ki thak jaunga chalte chalte

mere qadmon mein ye raftar kahan se aai

ye to sab man ki du'aon ka asar hai warna

gardish-e-waqt taraf-dar kahan se aai

kholiyan zaKHmi parindon ki tarah se taDpen

TuTti raat mein ye car kahan se aai

main to pardes mein rahta hun mere bhai bata

mere aangan mein ye diwar kahan aai

gir gai hai to ye ehsas hai nange sar hun

sochta hun ki ye dastar kahan se aai

bint-e-iflas ne Thukra diya shahzada-e-zar

is qabile mein ye KHuddar kahan se aai