phul zamin par gira phir mujhe nind aa gai

phuul zamīn par girā phir mujhe niiñd aa ga.ī

duur kisī ne kuchh kahā phir mujhe niiñd aa ga.ī

abr kī oT meñ kahīñ narm sī dastakeñ huiiñ

saath hī koī dar khulā phir mujhe niiñd aa ga.ī

raat bahut havā chalī aur shajar bahut Dare

maiñ bhī zarā zarā Darā phir mujhe niiñd aa ga.ī

aur hī ek samt se aur hī ik maqām par

gard ne shahr ko chhuā phir mujhe niiñd aa ga.ī

apne hī ek ruup se taaza suḳhan ke darmiyāñ

maiñ kisī baat par hañsā phir mujhe niiñd aa ga.ī

tū kahīñ ās-pās thā vo tirā iltibās thā

maiñ use dekhtā rahā phir mujhe niiñd aa ga.ī

ek ajab firāq se ek ajab visāl tak

apne ḳhayāl meñ chalā phir mujhe niiñd aa ga.ī

phul zamin par gira phir mujhe nind aa gai

dur kisi ne kuchh kaha phir mujhe nind aa gai

abr ki oT mein kahin narm si dastaken huin

sath hi koi dar khula phir mujhe nind aa gai

raat bahut hawa chali aur shajar bahut Dare

main bhi zara zara Dara phir mujhe nind aa gai

aur hi ek samt se aur hi ek maqam par

gard ne shahr ko chhua phir mujhe nind aa gai

apne hi ek rup se taza suKHan ke darmiyan

main kisi baat par hansa phir mujhe nind aa gai

tu kahin aas-pas tha wo tera iltibas tha

main use dekhta raha phir mujhe nind aa gai

ek ajab firaq se ek ajab visal tak

apne KHayal mein chala phir mujhe nind aa gai