phulon ki anjuman mein bahut der tak raha

phūloñ kī anjuman meñ bahut der tak rahā

koī mire chaman meñ bahut der tak rahā

aayā thā mere paas vo kuchh der ke liye

sūraj magar gahan meñ bahut der tak rahā

maiñ roktā rahā use chālākiyoñ ke saath

vo apne bhole-pan meñ bahut der tak rahā

jo shah milī to dil mirā bebāk ho gayā

nairañgī-e-badan meñ bahut der tak rahā

āñkhoñ meñ aa gayā hai mirī bhī zarā sā daaġh

phuul us ke pairahan meñ bahut der tak rahā

aayā nahīñ hai khīñch ke laanā paḌā mujhe

dil yaar ke vatan meñ bahut der tak rahā

us ke baġhair jaise jahannam hai zindagī

maiñ jannat-e-adn meñ bahut der tak rahā

donoñ se saath saath mulāqāt ho ga.ī

kuchh sarv kuchh saman meñ bahut der tak rahā

phulon ki anjuman mein bahut der tak raha

koi mere chaman mein bahut der tak raha

aaya tha mere pas wo kuchh der ke liye

suraj magar gahan mein bahut der tak raha

main rokta raha use chaalakiyon ke sath

wo apne bhole-pan mein bahut der tak raha

jo shah mili to dil mera bebak ho gaya

nairangi-e-badan mein bahut der tak raha

aankhon mein aa gaya hai meri bhi zara sa dagh

phul us ke pairahan mein bahut der tak raha

aaya nahin hai khinch ke lana paDa mujhe

dil yar ke watan mein bahut der tak raha

us ke baghair jaise jahannam hai zindagi

main jannat-e-adn mein bahut der tak raha

donon se sath sath mulaqat ho gai

kuchh sarw kuchh saman mein bahut der tak raha