phulon ki barsat hui hai aur kuchh patthar aae hain

phūloñ kī barsāt huī hai aur kuchh patthar aa.e haiñ

is bastī meñ ham dīvāne soch samajh kar aa.e haiñ

haq ne shāyad bātil kī bai'at se phir inkār kiyā

aaj sunā hai bāzāroñ meñ nezoñ par sar aa.e haiñ

maiḳhāne meñ shaiḳh-e-haram ko dekhā to maujūd mile

kis meñ dam hai pūchh sake kyoñ aap yahāñ par aa.e haiñ

chand qadam par baiTh ga.e thak kar manzil ke shaidā.ī

chehre se aisā lagtā hai mīloñ chal kar aa.e haiñ

sahrā sahrā ghuum rahe the ta.abīroñ ke chakkar meñ

bikhre hue sab ḳhvāb mile haiñ lauT ke jab ghar aa.e haiñ

us kī anā ne pyaas ke aalam meñ marnā manzūr kiyā

varna us ke hoñToñ tak ḳhud khiñch ke samundar aa.e haiñ

ġhair-shu.ūrī taur pe un ke lab pe mire ash.ār rahe

ḳhabar milī hai 'nāzim' aise mauqa aksar aa.e haiñ

phulon ki barsat hui hai aur kuchh patthar aae hain

is basti mein hum diwane soch samajh kar aae hain

haq ne shayad baatil ki bai'at se phir inkar kiya

aaj suna hai bazaron mein nezon par sar aae hain

maiKHane mein shaiKH-e-haram ko dekha to maujud mile

kis mein dam hai puchh sake kyon aap yahan par aae hain

chand qadam par baiTh gae thak kar manzil ke shaidai

chehre se aisa lagta hai milon chal kar aae hain

sahra sahra ghum rahe the tabiron ke chakkar mein

bikhre hue sab KHwab mile hain lauT ke jab ghar aae hain

us ki ana ne pyas ke aalam mein marna manzur kiya

warna us ke honTon tak KHud khinch ke samundar aae hain

ghair-shuuri taur pe un ke lab pe mere ashaar rahe

KHabar mili hai 'nazim' aise mauqa aksar aae hain