phulon ki hai taKHliq ki shoalon se bana hai

phūloñ kī hai taḳhlīq ki sho.aloñ se banā hai

kundan sā tirā jism jo ḳhushbū meñ basā hai

jangal ke ġhazāloñ pe ajab ḳhauf hai taarī

tūfān koī shahr kī jānib se uThā hai

ye husn-e-chaman hai mire ehsās kī taḳhlīq

varna kahīñ gul hai na kahīñ mauj-e-sabā hai

har lafz tire chehre kī tasvīr banā thā

kis karb se sau baar tire ḳhat ko paḌhā hai

Daalo mire kānoñ meñ bhī pighlā huā siisa

ai barhamano maiñ ne bhī to ved sunā hai

tum DhūñDte phirte ho jise sehn-e-chaman meñ

vo shaḳhs abhī kūcha-e-qātil ko gayā hai

phulon ki hai taKHliq ki shoalon se bana hai

kundan sa tera jism jo KHushbu mein basa hai

jangal ke ghazalon pe ajab KHauf hai tari

tufan koi shahr ki jaanib se uTha hai

ye husn-e-chaman hai mere ehsas ki taKHliq

warna kahin gul hai na kahin mauj-e-saba hai

har lafz tere chehre ki taswir bana tha

kis karb se sau bar tere KHat ko paDha hai

Dalo mere kanon mein bhi pighla hua sisa

ai barhamano main ne bhi to wed suna hai

tum DhunDte phirte ho jise sehn-e-chaman mein

wo shaKHs abhi kucha-e-qatil ko gaya hai