phunki tap-e-firaq ne ye tan badan mein aag

phūñkī tap-e-firāq ne ye tan badan meñ aag

ab jism kī jagah hai mire pairahan meñ aag

angāroñ pe liTātī hai furqat meñ sair-e-bāġh

ho merā iḳhtiyār to de duuñ chaman meñ aag

abr-e-siyah nahīñ ye dhuāñ hai bharā huā

kis ne lagā dī aaj sipahr-e-kuhan meñ aag

kushte haiñ tere ruḳh ke jū-e-ātishīñ-ezār

le jā.eñge vo bāñdh kar apne kafan meñ aag

ruḳhsat huī bahār ḳhizāñ ke din aa ga.e

ai bāġhbāñ lagā de ab apne chaman meñ aag

sahrā hamārī garmī-e-raftār se phuñkā

dīvānoñ ke qadam se lag uTThī chaman meñ aag

kis ne kiyā tire lab-e-lālīñ kā tazkira

ahl-e-yaman ne aap lagā dī yaman meñ aag

zulfoñ se yuuñ ayaañ hai tirā rū-e-ātishīñ

jaise lagī ho vādī-e-chīn-o-ḳhutan meñ aag

'akbar' tirī zabān hai kyā sham.a kī zabān

har fiqra terā sho.ala hai hai har suḳhan meñ aag

phunki tap-e-firaq ne ye tan badan mein aag

ab jism ki jagah hai mere pairahan mein aag

angaron pe liTati hai furqat mein sair-e-bagh

ho mera iKHtiyar to de dun chaman mein aag

abr-e-siyah nahin ye dhuan hai bhara hua

kis ne laga di aaj sipahr-e-kuhan mein aag

kushte hain tere ruKH ke ju-e-atishin-ezar

le jaenge wo bandh kar apne kafan mein aag

ruKHsat hui bahaar KHizan ke din aa gae

ai baghban laga de ab apne chaman mein aag

sahra hamari garmi-e-raftar se phunka

diwanon ke qadam se lag uTThi chaman mein aag

kis ne kiya tere lab-e-lalin ka tazkira

ahl-e-yaman ne aap laga di yaman mein aag

zulfon se yun ayan hai tera ru-e-atishin

jaise lagi ho wadi-e-chin-o-KHutan mein aag

'akbar' teri zaban hai kya shama ki zaban

har fiqra tera shoala hai hai har suKHan mein aag