pi jab ki mai-e-ishrat ki jab ye KHata tauba

pī jab ki mai-e-ishrat kī jab ye ḳhatā tauba

pī pī ke sharāb-e-ġham sau baar kahā tauba

karnā thā mujhe sajda maiñ bhuul gayā tauba

jā kar dar-e-jānāñ par kī maiñ ne ḳhatā tauba

duniyā meñ koī kis se kartā hai vafā tauba

dil jis ko diyā ham ne kī us ne daġhā tauba

ik jaam ke piite hī maiñ jhuum gayā tauba

saaqī ye piyāle meñ kyā tū ne diyā tauba

is darja huī muztar yūsuf kī mohabbat meñ

āḳhir ko zuleḳhā ne kī but se hayā tauba

piite hī sharāb-e-ġham sab aish hue ruḳhsat

maiñ lazzat-e-ishrat bhī ab bhuul gayā tauba

har-vaqt gunāhoñ se go thī mujhe dilchaspī

thā ijz pasand un ko kartā hī rahā tauba

ik ālam-e-hairat meñ āġhosh-e-mohabbat meñ

mai kis ne pilā.ī thī maiñ bhuul gayā tauba

jo kaam na karnā thā vo kaam kiyā maiñ ne

jo kaam thā karne kā vo ho na sakā tauba

aaya huuñ azal se maiñ vārafta haqīqat kā

duniyā kī mohabbat meñ ho jā.ūñ fanā tauba

kuchh shauq-e-shahādat meñ kuchh josh-e-mohabbat meñ

qātil ke tabassum par bismil ne kahā tauba

bas dekh lī ai duniyā ye chāragarī terī

bīmār-e-mohabbat ko detī hai davā tauba

rindoñ ke muqaddar meñ thī bāda-kashī lekin

vaa.iz ne jo mai pī lī saaqī ne kahā tauba

har-vaqt tasavvur meñ har ḳhalvat-o-jalvat meñ

sau baar unheñ dekhā phir bhuul gayā tauba

hai aag kī bārish sī siine meñ 'umar' har dam

hai ishq kī duniyā meñ garm āb-o-havā tauba

pi jab ki mai-e-ishrat ki jab ye KHata tauba

pi pi ke sharab-e-gham sau bar kaha tauba

karna tha mujhe sajda main bhul gaya tauba

ja kar dar-e-jaanan par ki main ne KHata tauba

duniya mein koi kis se karta hai wafa tauba

dil jis ko diya hum ne ki us ne dagha tauba

ek jam ke pite hi main jhum gaya tauba

saqi ye piyale mein kya tu ne diya tauba

is darja hui muztar yusuf ki mohabbat mein

aaKHir ko zuleKHa ne ki but se haya tauba

pite hi sharab-e-gham sab aish hue ruKHsat

main lazzat-e-ishrat bhi ab bhul gaya tauba

har-waqt gunahon se go thi mujhe dilchaspi

tha ijz pasand un ko karta hi raha tauba

ek aalam-e-hairat mein aaghosh-e-mohabbat mein

mai kis ne pilai thi main bhul gaya tauba

jo kaam na karna tha wo kaam kiya main ne

jo kaam tha karne ka wo ho na saka tauba

aaya hun azal se main warafta haqiqat ka

duniya ki mohabbat mein ho jaun fana tauba

kuchh shauq-e-shahadat mein kuchh josh-e-mohabbat mein

qatil ke tabassum par bismil ne kaha tauba

bas dekh li ai duniya ye chaaragari teri

bimar-e-mohabbat ko deti hai dawa tauba

rindon ke muqaddar mein thi baada-kashi lekin

waiz ne jo mai pi li saqi ne kaha tauba

har-waqt tasawwur mein har KHalwat-o-jalwat mein

sau bar unhen dekha phir bhul gaya tauba

hai aag ki barish si sine mein 'umar' har dam

hai ishq ki duniya mein garm aab-o-hawa tauba