pi kar sharab mast na ho hoshiyar ho

pī kar sharāb mast na ho hoshiyār ho

piine kā jab mazā hai nashe par savār ho

sāġhar chhalak rahā ho har ik rāgnī ke saath

pahlū meñ tū ho aur chaman meñ bahār ho

vo aa.eñ gar to dekh na paa.e koī unheñ

aise kisī maqām pe merā mazār ho

vaa.iz nasīhatoñ kā samāñ ab guzar gayā

vo chāhiye bashar jo mirā ġham-gusār ho

jis ko chhupā-chhupā ke rakhā apnī jaañ ke saath

vo raaz ai ḳhudā na kabhī āshkār ho

aisī nashīlī āñkheñ bhī dekhī haiñ ai 'karan'

maiñ pī rahā huuñ āñkhoñ meñ us kī ḳhumār ho

pi kar sharab mast na ho hoshiyar ho

pine ka jab maza hai nashe par sawar ho

saghar chhalak raha ho har ek ragni ke sath

pahlu mein tu ho aur chaman mein bahaar ho

wo aaen gar to dekh na pae koi unhen

aise kisi maqam pe mera mazar ho

waiz nasihaton ka saman ab guzar gaya

wo chahiye bashar jo mera gham-gusar ho

jis ko chhupa-chhupa ke rakha apni jaan ke sath

wo raaz ai KHuda na kabhi aashkar ho

aisi nashili aankhen bhi dekhi hain ai 'karan'

main pi raha hun aankhon mein us ki KHumar ho