pi ke kar leta hun tauba jab se ye dastur hai
pī ke kar letā huuñ tauba jab se ye dastūr hai
dil bhī raushan hai mirā muñh par bhī mere nuur hai
aah kartā huuñ to barham ke liye hote ho tum
dard-mandān-e-mohabbat kā yahī dastūr hai
ġhair se milne ke shikve par qayāmat Dhā gayā
un kā ye kahnā ki dil se aadmī majbūr hai
maiñ savāl-e-vasl kar ke us adā par miT gayā
hañs ke farmāyā ki ye darḳhvāst nā-manzūr hai
hashr meñ allāh se fariyād un ke zulm kī
ai 'rasā' ye baat to shart-e-vafā se duur hai
pi ke kar leta hun tauba jab se ye dastur hai
dil bhi raushan hai mera munh par bhi mere nur hai
aah karta hun to barham ke liye hote ho tum
dard-mandan-e-mohabbat ka yahi dastur hai
ghair se milne ke shikwe par qayamat Dha gaya
un ka ye kahna ki dil se aadmi majbur hai
main sawal-e-wasl kar ke us ada par miT gaya
hans ke farmaya ki ye darKHwast na-manzur hai
hashr mein allah se fariyaad un ke zulm ki
ai 'rasa' ye baat to shart-e-wafa se dur hai
- Book : intekhaabe-e-sukhan(jild-duum) (Pg. 98)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
