pi raha hai zindagi ki dhup kitne pyar se

pī rahā hai zindagī kī dhuup kitne pyaar se

duur jo baiThā huā hai sāya-e-dīvār se

gosha-e-dil kī ḳhamoshī ghar meñ bhī miltī nahīñ

ghar ke hangāme bhī kam hote nahīñ bāzār se

zindagī ke har qadam meñ vaqt kī raftār hai

zindagī ko nāpnā kyā vaqt kī raftār se

manzil-e-shahr-e-vafā shāyad bahut nazdīk hai

ab nazar aane lage haiñ rāste dushvār se

sochte kyā ho mire ghar meñ diyā koī nahīñ

raushnī to aa rahī hai raḳhna-e-dīvār se

pech-o-ḳham vo haiñ ukhaḌ jaatī haiñ sāñseñ bhī jahāñ

tai na kar rāh-e-tamannā ek hī raftār se

dekhnā jo chāhte ho zindagī kā bāñkpan

aao vo manzar dikhā.eñ ham farāz-e-dār se

kis qadar ḳhuddār the vo paañv ke chhāle na pūchh

koī sargoshī na kī zanjīr kī jhankār se

pi raha hai zindagi ki dhup kitne pyar se

dur jo baiTha hua hai saya-e-diwar se

gosha-e-dil ki KHamoshi ghar mein bhi milti nahin

ghar ke hangame bhi kam hote nahin bazar se

zindagi ke har qadam mein waqt ki raftar hai

zindagi ko napna kya waqt ki raftar se

manzil-e-shahr-e-wafa shayad bahut nazdik hai

ab nazar aane lage hain raste dushwar se

sochte kya ho mere ghar mein diya koi nahin

raushni to aa rahi hai raKHna-e-diwar se

pech-o-KHam wo hain ukhaD jati hain sansen bhi jahan

tai na kar rah-e-tamanna ek hi raftar se

dekhna jo chahte ho zindagi ka bankpan

aao wo manzar dikhaen hum faraaz-e-dar se

kis qadar KHuddar the wo panw ke chhaale na puchh

koi sargoshi na ki zanjir ki jhankar se