pila de haqiqat ka ek jam saqi

pilā de haqīqat kā ik jaam saaqī

maiñ letā rahūñgā tirā naam saaqī

idhar bhī nigāh-e-karam ho ḳhudā-rā

ki huuñ āftāb-e-lab-e-bām saaqī

ghaTā-Top tārīkiyāñ chār-sū haiñ

sahar hai mire vāste shaam saaqī

gunāhoñ ke dariyā meñ khātā huuñ ġhote

nahīñ ek pal mujh ko ārām saaqī

mujhe apnī āġhosh-e-rahmat meñ le le

sunā hai tirā faiz hai aam saaqī

maiñ aaya huuñ le kar tire mai-kade meñ

tamannā-e-durd-e-tah-e-jām saaqī

sunā de zamāne ko tū az-sar-e-nau

uḳhuvvat kā islāmī paiġhām saaqī

ajab kyā banā de tū is ko niko-nām

ye sach hai ki 'maz.har' hai badnām saaqī

pila de haqiqat ka ek jam saqi

main leta rahunga tera nam saqi

idhar bhi nigah-e-karam ho KHuda-ra

ki hun aaftab-e-lab-e-baam saqi

ghaTa-Top tarikiyan chaar-su hain

sahar hai mere waste sham saqi

gunahon ke dariya mein khata hun ghote

nahin ek pal mujh ko aaram saqi

mujhe apni aaghosh-e-rahmat mein le le

suna hai tera faiz hai aam saqi

main aaya hun le kar tere mai-kade mein

tamanna-e-durd-e-tah-e-jam saqi

suna de zamane ko tu az-sar-e-nau

uKHuwwat ka islami paigham saqi

ajab kya bana de tu is ko niko-nam

ye sach hai ki 'mazhar' hai badnam saqi