pinhan tha KHush-nigahon ki didar ka maraz

pinhāñ thā ḳhush-nigāhoñ kī dīdār kā maraz

band aañkh jab huī to hamārā khulā maraz

be-dār-o-visāl na ye jā.egā maraz

sach hai firāq-e-yār kā hai jāñ-guzā maraz

kyā bad-balā hai ishq-e-kuhan-sāl kā maraz

hotā hai naujavān ko ye bārhā maraz

mohlik thā kaisā un kī mulāqāt kā maraz

baḌhte hī un se rabt mirā ghaT gayā maraz

kyā jāneñ kaun rog hai ishq-e-balā-e-jāñ

saaya hai koī yā ki jhapaTTā hai yā maraz

iisā ke paas bhī koī is kī davā nahīñ

kahte haiñ jis ko ishq vo hai maut kā maraz

va.ada visāl kā na koī sach kiyā kabhī

tum ko bhī jhuuT bolne kā ho gayā maraz

ā.īna-rū jahāñ koī dekhā phisal gayā

aage hamāre dil ko to aisā na thā maraz

buqrāt kyā masīh bhī dekheñ to deñ javāb

tere marīz-e-ishq kā hai lā-davā maraz

dāñtoñ pe shefta the hue ab fidā-e-lab

thā rog ek to ye huā dūsrā maraz

ārām dard-e-ishq se dil ko kamāl hai

sehat se bhī aziiz mujhe hai sivā maraz

vāqif haiñ ham natīja-e-āzār-e-ishq se

be-gaur ke jhañkā.e to ye jā chukā maraz

ulfat ke aarzī kī davā hai ajal ke paas

jaate hue kabhī nahīñ aisā sunā maraz

kyā kyā taras taras ke nikaltī hai jān-e-zār

is ishq kā hai sab marazoñ se sivā maraz

dil ko hamāre ulfat-e-āriz hai aarzī

kyā ai 'qalaq' rahā hai kisī kā sadā maraz

pinhan tha KHush-nigahon ki didar ka maraz

band aankh jab hui to hamara khula maraz

be-dar-o-visal na ye jaega maraz

sach hai firaq-e-yar ka hai jaan-guza maraz

kya bad-bala hai ishq-e-kuhan-sal ka maraz

hota hai naujawan ko ye barha maraz

mohlik tha kaisa un ki mulaqat ka maraz

baDhte hi un se rabt mera ghaT gaya maraz

kya jaanen kaun rog hai ishq-e-bala-e-jaan

saya hai koi ya ki jhapaTTa hai ya maraz

isa ke pas bhi koi is ki dawa nahin

kahte hain jis ko ishq wo hai maut ka maraz

wada visal ka na koi sach kiya kabhi

tum ko bhi jhuT bolne ka ho gaya maraz

aaina-ru jahan koi dekha phisal gaya

aage hamare dil ko to aisa na tha maraz

buqraat kya masih bhi dekhen to den jawab

tere mariz-e-ishq ka hai la-dawa maraz

danton pe shefta the hue ab fida-e-lab

tha rog ek to ye hua dusra maraz

aaram dard-e-ishq se dil ko kamal hai

sehat se bhi aziz mujhe hai siwa maraz

waqif hain hum natija-e-azar-e-ishq se

be-gaur ke jhankae to ye ja chuka maraz

ulfat ke aarzi ki dawa hai ajal ke pas

jate hue kabhi nahin aisa suna maraz

kya kya taras taras ke nikalti hai jaan-e-zar

is ishq ka hai sab marazon se siwa maraz

dil ko hamare ulfat-e-ariz hai aarzi

kya ai 'qalaq' raha hai kisi ka sada maraz