piya ke ruKH ki jhalak ka partaw kiya hai jhalkar aaftabi
piyā ke ruḳh kī jhalak kā partav kiyā hai jhalkār āftābī
nazar suuñ aalam ke ho rahī hai misāl-e-ḳhuffāsh be-hijābī
jise vo chahtā hai mukh dikhāne usī ko hai taab dekhne kā
vahī samajh baḳhsh murshid un kā talab hai tuuñ maañg jā shitābī
agar mile tujh ko chashm-e-bātin vahī hai maqsūd āqibat se
vagarna tahqīq-e-do-jahāñ meñ nahīñ hai hāsil ba-juz ḳharābī
usī ko kahte haiñ kor bātin jise nahīñ haigā diid us kā
na pāvegā vo najāt hargiz agarche vo ilm hai kitābī
karīm murshid ne chashm-e-bātin kiyā navāzish 'alīm' ke ta.iiñ
vasā haqīqat ke ghan kā ḳhurshīd ga.ī nikal kar nazar sarābī
piya ke ruKH ki jhalak ka partaw kiya hai jhalkar aaftabi
nazar sun aalam ke ho rahi hai misal-e-KHuffash be-hijabi
jise wo chahta hai mukh dikhane usi ko hai tab dekhne ka
wahi samajh baKHsh murshid un ka talab hai tun mang ja shitabi
agar mile tujh ko chashm-e-baatin wahi hai maqsud aaqibat se
wagarna tahqiq-e-do-jahan mein nahin hai hasil ba-juz KHarabi
usi ko kahte hain kor baatin jise nahin haiga did us ka
na pawega wo najat hargiz agarche wo ilm hai kitabi
karim murshid ne chashm-e-baatin kiya nawazish 'alim' ke tain
wasa haqiqat ke ghan ka KHurshid gai nikal kar nazar sarabi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
