ye qarz to mera hai chukaega koi aur

Aanis Moin

ye qarz to mera hai chukaega koi aur

Aanis Moin

MORE BYAanis Moin

    ye qarz to merā hai chukā.egā koī aur

    dukh mujh ko hai aur niir bahā.egā koī aur

    kyā phir yūñhī jā.egī ujrat pe gavāhī

    kyā terī sazā ab ke bhī pā.egā koī aur

    anjām ko pahuñchūñgā maiñ anjām se pahle

    ḳhud merī kahānī bhī sunā.egā koī aur

    tab hogī ḳhabar kitnī hai raftār-e-taġhayyur

    jab shaam Dhale lauT ke aa.egā koī aur

    ummīd-e-sahar bhī to virāsat meñ hai shāmil

    shāyad ki diyā ab ke jalā.egā koī aur

    kab bār-e-tabassum mire hoñToñ se uThegā

    ye bojh bhī lagtā hai uThā.egā koī aur

    is baar huuñ dushman rasā.ī se bahut duur

    is baar magar zaḳhm lagā.egā koī aur

    shāmil pas-e-parda bhī haiñ is khel meñ kuchh log

    bolegā koī hoñT hilā.egā koī aur

    ye qarz to mera hai chukaega koi aur

    dukh mujh ko hai aur nir bahaega koi aur

    kya phir yunhi di jaegi ujrat pe gawahi

    kya teri saza ab ke bhi paega koi aur

    anjam ko pahunchunga main anjam se pahle

    KHud meri kahani bhi sunaega koi aur

    tab hogi KHabar kitni hai raftar-e-taghayyur

    jab sham Dhale lauT ke aaega koi aur

    ummid-e-sahar bhi to wirasat mein hai shamil

    shayad ki diya ab ke jalaega koi aur

    kab bar-e-tabassum mere honTon se uThega

    ye bojh bhi lagta hai uThaega koi aur

    is bar hun dushman ki rasai se bahut dur

    is bar magar zaKHm lagaega koi aur

    shamil pas-e-parda bhi hain is khel mein kuchh log

    bolega koi honT hilaega koi aur

    RECITATIONS

    Nomaan Shauque

    Nomaan Shauque

    Nomaan Shauque

    ye qarz to mera hai chukaega koi aur Nomaan Shauque

    Source:

    • Book : Muallim-e-urdu(Lucknow) (Pg. 32)
    • Author : Izhar Ahmad
    • Publication : Published by Izhar ahmad Editor,and publisher at the Shagufta printers Lucknow & Distributed simmam Publication 499/129 Hasanganj lucknow-226020 (February-1992)
    • Edition : February-1992

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY