pur-Khaar rahguzar pe hi chalna nahin sada

pur-ḳhār rahguzar pe hī chalnā nahīñ sadā

ḳhushiyoñ ko paañv paañv masalnā nahīñ sadā

vo din kabhī to ā.eñge jo mere naam hoñ

tere hī roz-o-shab ko badalnā nahīñ sadā

milnā hai umr bhar ke liye ham ko ek din

jaatī rutoñ ke taur bichhaḌnā nahīñ sadā

tark-e-ta.alluqāt se pahle ye soch le

dil ko tire hī dam se machalnā nahīñ sadā

qismat tirī bhī ruuTh to saktī hai ek din

taqdīr ko mirī hī bigaḌnā nahīñ sadā

pur-KHar rahguzar pe hi chalna nahin sada

KHushiyon ko panw panw masalna nahin sada

wo din kabhi to aaenge jo mere nam hon

tere hi roz-o-shab ko badalna nahin sada

milna hai umr bhar ke liye hum ko ek din

jati ruton ke taur bichhaDna nahin sada

tark-e-talluqat se pahle ye soch le

dil ko tere hi dam se machalna nahin sada

qismat teri bhi ruTh to sakti hai ek din

taqdir ko meri hi bigaDna nahin sada