پرانے راستوں کو موڑ کیوں نہیں دیتے

پرانے راستوں کو موڑ کیوں نہیں دیتے

ہم ایک دوسرے کو چھوڑ کیوں نہیں دیتے

ہمارے بیچ میں کوئی قرار تھوڑی ہے

بس اک یقیں ہے اسے توڑ کیوں نہیں دیتے

کبھی کبھی تو یہ صحرا صدائیں دیتا ہے

یہ دریا میری طرف موڑ کیوں نہیں دیتے

ہمارا ساتھ گوارہ نہیں اگر تم کو

ہمارا ہاتھ بھلا چھوڑ کیوں ۔۔۔نہیں دیتے

تمہارے راستے کا میں ہی ایک پتھر ہوں

یہ ٹھیکرا مرے سر پھوڑ کیوں نہیں دیتے

وہ ایک بات جو کب سے پکڑ کے بیٹھے ہو

اس ایک بات کو تم چھوڑ کیوں نہیں دیتے