purani choT main kaise dikhaun

purānī choT maiñ kaise dikhā.ūñ

uThe jab dard to phir muskurā.ūñ

bahut se log mujh meñ ro rahe haiñ

amaañ kis kis ko yaañ par chup karā.ūñ

tumhārī yaad jo ab mar chukī hai

maiñ us dafan kar duuñ yā jalā.ūñ

bahut jī chāhtā hai kuchh dinoñ se

maiñ apne-āp se hī ruuTh jā.ūñ

mirī ḳhātir duā karnā mire dost

kisī din ḳhud ko sach meñ bhuul jā.ūñ

guzārish hai na mujh ko yaad aa.e

tamannā hai na tujh ko yaad aa.uuñ

tumhārā naam phir sāhil pe likkhūñ

lahr se aane pahle ḳhud miTā.ūñ

banā.ūñgā maiñ ḳhud ko jī kiyā to

faqat bigḌī huī maiñ kyuuñ banā.ūñ

maiñ bhītar se bahut TuuTā huā huuñ

kisī se haal apnā kyā chhupā.ūñ

purani choT main kaise dikhaun

uThe jab dard to phir muskuraun

bahut se log mujh mein ro rahe hain

aman kis kis ko yan par chup karaun

tumhaari yaad jo ab mar chuki hai

main us dafan kar dun ya jalaun

bahut ji chahta hai kuchh dinon se

main apne-ap se hi ruTh jaun

meri KHatir dua karna mere dost

kisi din KHud ko sach mein bhul jaun

guzarish hai na mujh ko yaad aae

tamanna hai na tujh ko yaad aaun

tumhaara nam phir sahil pe likkhun

lahr se aane pahle KHud miTaun

banaunga main KHud ko ji kiya to

faqat bigDi hui main kyun banaun

main bhitar se bahut TuTa hua hun

kisi se haal apna kya chhupaun