purani yaad ki tamam kirchiyan liye hue

purānī yaad kī tamām kirchiyāñ liye hue

udaas shaam aa ga.ī paheliyāñ liye hue

Tapak paḌā lahū uchhaltī machhliyoñ ko dekh kar

kabhī mile the tum bhī kaj-kulāhiyāñ liye hue

abhī to maut se haiñ duur zindagī kī pyaas hai

kabhī chaleñge us taraf ravāniyāñ liye hue

Thahar zarā mire raqīb dost saath saath chal

ham us kī or jā rahe haiñ kashtiyāñ liye hue

sadā.eñ aa rahīñ dayār-e-ġham kā baab bhī khulā

milegī raat āshiqoñ kī siskiyāñ liye hue

dhuāñ dhuāñ fazā sabhī sitāre gum hue kahīñ

kisī ne khol dī hai zulf sardiyāñ liye hue

maiñ kho rahā huuñ ḳhud ko har talāsh ḳhatm ho rahī

mirī ġhazal milī mujhe tasalliyāñ liye hue

nahīñ nahīñ abhī diloñ kī bastiyāñ ujaaḌ do

ki chal rahī ye nasl-e-nau burā.iyāñ liye hue

koī mirā bhī ho sake ye chāhtā nahīñ ḳhudā

atā huī haiñ raunaqeñ udāsiyāñ liye hue

vo āḳhirī sahar hameñ aziiz thī kabhī bahut

jahāñ bichhaḌ ga.e the tum shitābiyāñ liye hue

safed rañg zindagī kā daaġh daaġh ho gayā

taḌap rahā tamām shab siyāhiyāñ liye hue

purani yaad ki tamam kirchiyan liye hue

udas sham aa gai paheliyan liye hue

Tapak paDa lahu uchhalti machhliyon ko dekh kar

kabhi mile the tum bhi kaj-kulahiyan liye hue

abhi to maut se hain dur zindagi ki pyas hai

kabhi chalenge us taraf rawaniyan liye hue

Thahar zara mere raqib dost sath sath chal

hum us ki or ja rahe hain kashtiyan liye hue

sadaen aa rahin dayar-e-gham ka bab bhi khula

milegi raat aashiqon ki siskiyan liye hue

dhuan dhuan faza sabhi sitare gum hue kahin

kisi ne khol di hai zulf sardiyan liye hue

main kho raha hun KHud ko har talash KHatm ho rahi

meri ghazal mili mujhe tasalliyan liye hue

nahin nahin abhi dilon ki bastiyan ujaD do

ki chal rahi ye nasl-e-nau buraiyan liye hue

koi mera bhi ho sake ye chahta nahin KHuda

ata hui hain raunaqen udasiyan liye hue

wo aaKHiri sahar hamein aziz thi kabhi bahut

jahan bichhaD gae the tum shitabiyan liye hue

safed rang zindagi ka dagh dagh ho gaya

taDap raha tamam shab siyahiyan liye hue