putliyon par tere chehre ko banaya hua hai

putliyoñ par tire chehre ko banāyā huā hai

sāmne aañkh ke yuuñ tujh ko sajāyā huā hai

dar-o-dīvār-e-tamaddun ko girāyā jis ne

haa.e vo hashr hamārā hī uThāyā huā hai

apnī parvāz pe nāzāñ jo uḌā phirtā hai

vo parinda bhī hamārā hī uḌāyā huā hai

do-ghaḌī aañkh lagā lo karo ehsāñ un par

tum ne ḳhvāboñ ko ka.ī din se jagāyā huā hai

zor TūTegā havā kā to kahāñ jā.egā

jis ġhubāre ko fazāoñ meñ uḌāyā huā hai

mere chille kī riyāzat kā samar dekh zarā

apne ham-zād ko pahlū meñ biThāyā huā hai

putliyon par tere chehre ko banaya hua hai

samne aankh ke yun tujh ko sajaya hua hai

dar-o-diwar-e-tamaddun ko giraya jis ne

hae wo hashr hamara hi uThaya hua hai

apni parwaz pe nazan jo uDa phirta hai

wo parinda bhi hamara hi uDaya hua hai

do-ghaDi aankh laga lo karo ehsan un par

tum ne KHwabon ko kai din se jagaya hua hai

zor TuTega hawa ka to kahan jaega

jis ghubare ko fazaon mein uDaya hua hai

mere chille ki riyazat ka samar dekh zara

apne ham-zad ko pahlu mein biThaya hua hai