puchh lete hain wo aksar ki hai haalat kaisi

pūchh lete haiñ vo aksar ki hai hālat kaisī

ham pe ho jaatī hai un kī ye 'ināyat kaisī

'ahd-e-hāzir meñ to hai zikr bhī in kā be-sūd

kaisā ā.īn-e-vafā aur muravvat kaisī

ġhair ke ġham meñ bhī be-sāḳhta ro dete haiñ

ham ko allāh ne baḳhshī hai tabī'at kaisī

'ishq sādiq hai hamārā to hameñ kyā mā'lūm

shikva kyā hotā hai hotī hai shikāyat kaisī

dast-e-qudrat kā karishma ise samjheñ varna

ḳhaar aur gul meñ bhalā bāhamī sohbat kaisī

aap aa.e haiñ 'ayādat ko to dam bhar Thahreñ

hāl-e-dil pūchhne meñ aisī bhī 'ujlat kaisī

ham to har haal meñ rāzī-ba-razā haiñ 'gauhar'

ham nahīñ jānte hotī hai 'ibādat kaisī

puchh lete hain wo aksar ki hai haalat kaisi

hum pe ho jati hai un ki ye 'inayat kaisi

'ahd-e-hazir mein to hai zikr bhi in ka be-sud

kaisa aain-e-wafa aur murawwat kaisi

ghair ke gham mein bhi be-saKHta ro dete hain

hum ko allah ne baKHshi hai tabi'at kaisi

'ishq sadiq hai hamara to hamein kya ma'lum

shikwa kya hota hai hoti hai shikayat kaisi

dast-e-qudrat ka karishma ise samjhen warna

KHar aur gul mein bhala bahami sohbat kaisi

aap aae hain 'ayaadat ko to dam bhar Thahren

haal-e-dil puchhne mein aisi bhi 'ujlat kaisi

hum to har haal mein raazi-ba-raza hain 'gauhar'

hum nahin jaante hoti hai 'ibaadat kaisi