puchhen tere zulm ka sabab hum

pūchheñ tire zulm kā sabab ham

itne to nahīñ haiñ be-adab ham

ilzām nahīñ hai fasl-e-gul par

ḳhud apne junūñ kā haiñ sabab ham

sāhil pe sivā.e ḳhaak kyā thā

ġharqāb hue haiñ tishna-lab ham

karte haiñ talāsh-e-ādmiyyat

duniyā meñ haiñ aadmī ajab ham

fursat ho to aa ke dekh jaao

muddat se paḌe haiñ jāñ-ba-lab ham

bāhar se haiñ momin-e-sarāpā

indar se tamām bū-lahab ham

har shāḳh pe gul khile hue the

gulshan se 'sabā' chale the jab ham

puchhen tere zulm ka sabab hum

itne to nahin hain be-adab hum

ilzam nahin hai fasl-e-gul par

KHud apne junun ka hain sabab hum

sahil pe siwae KHak kya tha

gharqab hue hain tishna-lab hum

karte hain talash-e-admiyyat

duniya mein hain aadmi ajab hum

fursat ho to aa ke dekh jao

muddat se paDe hain jaan-ba-lab hum

bahar se hain momin-e-sarapa

indar se tamam bu-lahab hum

har shaKH pe gul khile hue the

gulshan se 'saba' chale the jab hum