puchhoge to khul jaegi zaKHmon ki zaban aur

pūchhoge to khul jā.egī zaḳhmoñ kī zabāñ aur

purshish to guzartī hai ġham-e-dil pe girāñ aur

manzūr jalānā hai to ik baar jalā do

yuuñ dil ke sulagne se to uThtā hai dhuāñ aur

ḳhāmoshī ne rusvā.ī ke gul aur khilā.e

dafnāyā mohabbat ko to ubhre haiñ nishāñ aur

us jaisā zamāne meñ koī ek to hotā

us dar se uTheñ uTh ke magar jaa.eñ kahāñ aur

chūmegā tire paañv ko ḳhud markaz-e-ummīd

haañ raqs meñ aa raqs meñ aa umr-e-ravāñ aur

tā-umr sunā kījiye ab naġhma-e-ḳhāmosh

kahte na the nāzuk hai na chheḌo rag-e-jāñ aur

puchhoge to khul jaegi zaKHmon ki zaban aur

purshish to guzarti hai gham-e-dil pe giran aur

manzur jalana hai to ek bar jala do

yun dil ke sulagne se to uThta hai dhuan aur

KHamoshi ne ruswai ke gul aur khilae

dafnaya mohabbat ko to ubhre hain nishan aur

us jaisa zamane mein koi ek to hota

us dar se uThen uTh ke magar jaen kahan aur

chumega tere panw ko KHud markaz-e-ummid

han raqs mein aa raqs mein aa umr-e-rawan aur

ta-umr suna kijiye ab naghma-e-KHamosh

kahte na the nazuk hai na chheDo rag-e-jaan aur