puchhta kaun wafa se uski

pūchhtā kaun vafā se us kī

mar ga.e log balā se us kī

dekho kis taur sañvar jaatā hai

mujh sā sahrā bhī ghaTā se us kī

yaar ham ḳhāk-ba-sar ḳhāk-nashīñ

is fazā meñ haiñ havā se us kī

ab koī sub.h jagā.egī kyā

ham ko uThnā hai sadā se us kī

lauT jā.egī bahār us ke saath

sabz mausam hai fazā se us kī

zikr karte haiñ qazā se us kā

ham jo jiite haiñ davā se us kī

zaḳhm ke phuul khile haiñ tan meñ

lahlahātā huuñ havā se us kī

puchhta kaun wafa se us ki

mar gae log bala se us ki

dekho kis taur sanwar jata hai

mujh sa sahra bhi ghaTa se us ki

yar hum KHak-ba-sar KHak-nashin

is faza mein hain hawa se us ki

ab koi subh jagaegi kya

hum ko uThna hai sada se us ki

lauT jaegi bahaar us ke sath

sabz mausam hai faza se us ki

zikr karte hain qaza se us ka

hum jo jite hain dawa se us ki

zaKHm ke phul khile hain tan mein

lahlahata hun hawa se us ki