puchhte hain sab humse dil luTa ke kya paya

pūchhte haiñ sab ham se dil luTā ke kyā paayā

ġham sā gauhar-e-yaktā tum sā dilrubā paayā

vahshat aur sūnā-pan apnī zāt-e-tanhā.ī

aaj mai-kade ko bhī ḳhāna-e-ḳhudā paayā

tum ko kho ke ham ne to ġham kī daulateñ pā liiñ

ham ko kho ke par tum ne ye batāo kyā paayā

saikḌoñ kī jaañ chhūTī terī teġh to TuuTī

ham ko sar kā ġham hī kyā ham ne ḳhūñ-bahā paayā

ai 'hasan-kamāl’ āḳhir ye bhī kyā bhalā kam hai

be-hisī kī duniyā meñ dil dukhā huā paayā

puchhte hain sab hum se dil luTa ke kya paya

gham sa gauhar-e-yakta tum sa dilruba paya

wahshat aur suna-pan apni zat-e-tanhai

aaj mai-kade ko bhi KHana-e-KHuda paya

tum ko kho ke hum ne to gham ki daulaten pa lin

hum ko kho ke par tum ne ye batao kya paya

saikDon ki jaan chhuTi teri tegh to TuTi

hum ko sar ka gham hi kya hum ne KHun-baha paya

ai 'hasan-kamal’ aaKHir ye bhi kya bhala kam hai

be-hisi ki duniya mein dil dukha hua paya