pure qad se main khaDa hun samne aaega kya

puure qad se maiñ khaḌā huuñ sāmne aa.egā kyā

maiñ tirā saaya nahīñ huuñ mujh ko samjhā.egā kyā

āñdhiyoñ par uḌ rahā hai jin parindoñ kā hujūm

āsmāñ kī vus.atoñ se lauT kar aa.egā kyā

ik na.e manzar kā ḳhāka āsmāñ par kyuuñ nahīñ

chāñd apnī chāñdnī par yūñhī itrā.egā kyā

fasl-e-gul ke ba.ad patjhaḌ yuuñ to ik ma.amūl hai

ḳhauf ban kar phir dar-o-dīvār par chhā.egā kyā

jānib-e-shahr-e-ġhazālāñ phir chalī shām-e-firāq

dasht kī be-ḳhvābiyoñ kā rāzdāñ aa.egā kyā

ḳhuun kī rotī safedī be-sadā sāzoñ kā shor

be-sar-o-pā giit koī be-zabāñ gā.egā kyā

hai ġhazal āzād goyā be-dar-o-dīvār ghar

ham ko bhī is sinf-e-be-jā kā hunar aa.egā kyā

pure qad se main khaDa hun samne aaega kya

main tera saya nahin hun mujh ko samjhaega kya

aandhiyon par uD raha hai jin parindon ka hujum

aasman ki wusaton se lauT kar aaega kya

ek nae manzar ka KHaka aasman par kyun nahin

chand apni chandni par yunhi itraega kya

fasl-e-gul ke baad patjhaD yun to ek mamul hai

KHauf ban kar phir dar-o-diwar par chhaega kya

jaanib-e-shahr-e-ghazalan phir chali sham-e-firaq

dasht ki be-KHwabiyon ka raazdan aaega kya

KHun ki roti safedi be-sada sazon ka shor

be-sar-o-pa git koi be-zaban gaega kya

hai ghazal aazad goya be-dar-o-diwar ghar

hum ko bhi is sinf-e-be-ja ka hunar aaega kya