pyar ke bandhan kaT rahe hain prem ka rishta toD rahe hain

pyaar ke bandhan kaaT rahe haiñ prem kā rishta toḌ rahe haiñ

shahr-e-mohabbat ke bāshinde shahr-e-mohabbat chhoḌ rahe haiñ

armānoñ ke rah-vāroñ ko jānib-e-duniyā moḌ rahe haiñ

ulfat kā dam bharne vaale ulfat kā dil toḌ rahe haiñ

itnā ham ko ilm nahīñ thā hijr ke sadme sahne hoñge

ye qat.an ehsās nahīñ thā kis se naata joḌ rahe haiñ

is bastī meñ rahnā basnā apne bas kī baat nahīñ hai

ḳhuddārī kī farmā.ish par shahr-e-mohabbat chhoḌ rahe haiñ

dekheñ apnī sarkash tauba saath hamārā detī bhī hai

aap to nafrat ke patthar par jām-e-mohabbat phoḌ rahe haiñ

ai 'parvez' ye duniyā vaale tadbīroñ se ġhāfil ho kar

qismat kī dahlīz pe nāhaq apne sar ko phoḌ rahe haiñ

pyar ke bandhan kaT rahe hain prem ka rishta toD rahe hain

shahr-e-mohabbat ke bashinde shahr-e-mohabbat chhoD rahe hain

armanon ke rah-waron ko jaanib-e-duniya moD rahe hain

ulfat ka dam bharne wale ulfat ka dil toD rahe hain

itna hum ko ilm nahin tha hijr ke sadme sahne honge

ye qatan ehsas nahin tha kis se nata joD rahe hain

is basti mein rahna basna apne bas ki baat nahin hai

KHuddari ki farmaish par shahr-e-mohabbat chhoD rahe hain

dekhen apni sarkash tauba sath hamara deti bhi hai

aap to nafrat ke patthar par jam-e-mohabbat phoD rahe hain

ai 'parwez' ye duniya wale tadbiron se ghafil ho kar

qismat ki dahliz pe nahaq apne sar ko phoD rahe hain