pyar ki pir banane ke liye baiTha hun

pyaar kī piir banāne ke liye baiThā huuñ

dil kī jāgīr banāne ke liye baiThā huuñ

phir se maqsad koī darkār thā kuchh rangoñ ko

phir se tasvīr banāne ke liye baiThā huuñ

baḌī mushkil se milā hai mujhe korā kāġhaz

ḳhud ko tahrīr banāne ke liye baiThā huuñ

maiñ ne bhī siikh liyā hai ab asīrī kā hunar

maiñ bhī zanjīr banāne ke liye baiThā huuñ

kab se hoñToñ kī kamāñ le ke zabāñ baiThī hai

aur maiñ tiir banāne ke liye baiThā huuñ

jo mirī Dhaal banā jang meñ us kī ḳhātir

ab maiñ shamshīr banāne ke liye baiThā huuñ

merī taqdīr banāne ke liye baiThegā

jis kī taqdīr banāne ke liye baiThā huuñ

pyar ki pir banane ke liye baiTha hun

dil ki jagir banane ke liye baiTha hun

phir se maqsad koi darkar tha kuchh rangon ko

phir se taswir banane ke liye baiTha hun

baDi mushkil se mila hai mujhe kora kaghaz

KHud ko tahrir banane ke liye baiTha hun

main ne bhi sikh liya hai ab asiri ka hunar

main bhi zanjir banane ke liye baiTha hun

kab se honTon ki kaman le ke zaban baiThi hai

aur main tir banane ke liye baiTha hun

jo meri Dhaal bana jang mein us ki KHatir

ab main shamshir banane ke liye baiTha hun

meri taqdir banane ke liye baiThega

jis ki taqdir banane ke liye baiTha hun