pyar mein zist mujhe ras kahan aai hai

pyaar meñ ziist mujhe raas kahāñ aa.ī hai

mere hisse meñ faqat āh-o-fuġhāñ aa.ī hai

yā-ḳhudā rakh le mirī pusht-panāhī kā bharam

sar chhupāne mire gulshan meñ ḳhizāñ aa.ī hai

bach ke jaatā hī nahīñ ‘ālam-e-fānī se koī

maut hī merī mujhe le ke yahāñ aa.ī hai

dauḌ paḌtā huuñ tirī samt har ik aahaT par

mujh ko lagtā hai ki āvāz-e-azāñ aa.ī hai

chāhtā huuñ ki kisī taur na ab aañkh khule

baa'd muddat ke mire ḳhvāb meñ maañ aa.ī hai

ye bhī mumkin hai mirī raah meñ hoñ māh-o-nujūm

jab bulāne ko mujhe kāhkashāñ aa.ī hai

aaj mausam kī navāzish kā huuñ mamnūn 'habīb'

ḳhushbu-e-yār liye bād-e-ravāñ aa.ī hai

pyar mein zist mujhe ras kahan aai hai

mere hisse mein faqat aah-o-fughan aai hai

ya-KHuda rakh le meri pusht-panahi ka bharam

sar chhupane mere gulshan mein KHizan aai hai

bach ke jata hi nahin ‘alam-e-fani se koi

maut hi meri mujhe le ke yahan aai hai

dauD paDta hun teri samt har ek aahaT par

mujh ko lagta hai ki aawaz-e-azan aai hai

chahta hun ki kisi taur na ab aankh khule

ba'd muddat ke mere KHwab mein man aai hai

ye bhi mumkin hai meri rah mein hon mah-o-nujum

jab bulane ko mujhe kahkashan aai hai

aaj mausam ki nawazish ka hun mamnun 'habib'

KHushbu-e-yar liye baad-e-rawan aai hai