pyar mohabbat qasmen wade sab jhuTe afsane hain

pyaar mohabbat qasmeñ vā'de sab jhūTe afsāne haiñ

sachchī bāteñ likh kar ham ko apne yaar gañvāne haiñ

is andher-nagar meñ ham ko pyaar kī hai ummīd abhī

ham ko dekho duniyā vaalo ham kaise dīvāne haiñ

har sāthī ke dil meñ ham ne jhāñk ke aksar dekhā hai

milte haiñ sab apne ban kar lekin sab begāne haiñ

yuuñ to is duniyā meñ taara chāhat ke sāmān bhī haiñ

lekin ham ko yaad meñ us kī kho kar din ye bitāne haiñ

pyar mohabbat qasmen wa'de sab jhuTe afsane hain

sachchi baaten likh kar hum ko apne yar ganwane hain

is andher-nagar mein hum ko pyar ki hai ummid abhi

hum ko dekho duniya walo hum kaise diwane hain

har sathi ke dil mein hum ne jhank ke aksar dekha hai

milte hain sab apne ban kar lekin sab begane hain

yun to is duniya mein tara chahat ke saman bhi hain

lekin hum ko yaad mein us ki kho kar din ye bitane hain