pyas lagna thi lagi sarshaar hona tha hue

pyaas lagnā thī lagī sarshār honā thā hue

ham ko ġharqāb-e-sarāb-e-dār honā thā hue

ham tirī aahaT pe saḌkoñ par nikal aa.e to kyā

ham ko rusvā bar-sar-e-bāzār honā thā hue

tere kāñdhoñ ke liye sar de ke āḳhir kyā gayā

ham ko yuuñ bhī be-sar-o-dastār honā thā hue

tū kahe to apne hāthoñ apnī shah-e-rag kaaT leñ

ham ko tere haath kī talvār honā thā hue

ḳhvāb ke aalam meñ chalne kā maraz kab jā sakā

ḳhvāb hī meñ niiñd se bedār honā thā hue

in saroñ kī aur in mahloñ kī qismat ek thī

sañg chalnā the chale mismār honā thā hue

ek din 'ḳhālid' hameñ ye svāñg bharnā thā bharā

jhuuT gaḌhnā the ghaḌe fankār honā thā hue

pyas lagna thi lagi sarshaar hona tha hue

hum ko gharqab-e-sarab-e-dar hona tha hue

hum teri aahaT pe saDkon par nikal aae to kya

hum ko ruswa bar-sar-e-bazar hona tha hue

tere kandhon ke liye sar de ke aaKHir kya gaya

hum ko yun bhi be-sar-o-dastar hona tha hue

tu kahe to apne hathon apni shah-e-rag kaT len

hum ko tere hath ki talwar hona tha hue

KHwab ke aalam mein chalne ka maraz kab ja saka

KHwab hi mein nind se bedar hona tha hue

in saron ki aur in mahlon ki qismat ek thi

sang chalna the chale mismar hona tha hue

ek din 'KHalid' hamein ye swang bharna tha bhara

jhuT gaDhna the ghaDe fankar hona tha hue