pyase honT kinare par ruk jate hain

pyāse hoñT kināre par ruk jaate haiñ

achchhā surḳh ishāre par ruk jaate haiñ

jab maiñ sat.h-e-āb pe chaltā phirtā huuñ

dekhne log kināre par ruk jaate haiñ

mere haath se sirf nahīñ ghaḌiyāl girā

kitne vaqt ḳhasāre par ruk jaate haiñ

ham aisoñ ke kaun muqābil aa.egā

ham tūfān ke dhāre par ruk jaate haiñ

phirne nikalte haiñ mahtāb nagar meñ ham

lekin ek sitāre par ruk jaate haiñ

uḌte uḌte gir paḌte haiñ aag ke beach

shaam ke vaqt hamāre par ruk jaate haiñ

gar tū jaatā hai mansūr-'āfāq' kahīñ

ik be-nām sahāre par ruk jaate haiñ

pyase honT kinare par ruk jate hain

achchha surKH ishaare par ruk jate hain

jab main sath-e-ab pe chalta phirta hun

dekhne log kinare par ruk jate hain

mere hath se sirf nahin ghaDiyal gira

kitne waqt KHasare par ruk jate hain

hum aison ke kaun muqabil aaega

hum tufan ke dhaare par ruk jate hain

phirne nikalte hain mahtab nagar mein hum

lekin ek sitare par ruk jate hain

uDte uDte gir paDte hain aag ke beach

sham ke waqt hamare par ruk jate hain

gar tu jata hai mansur-'afaq' kahin

ek be-nam sahaare par ruk jate hain