qabil-e-tardid par iman le aae hain hum

qābil-e-tardīd par īmān le aa.e haiñ ham

be-sabab hī apne sar ehsān le aa.e haiñ ham

ranj-o-ġham hoñ yā ḳhushī ho sab ke sab haiñ be-sabāt

bodhisatvoñ se yahī vigyān le aa.e haiñ ham

is liye bhī jism hai insāniyat kā tār-tār

ādmiyyat ko sar-e-maidān le aa.e haiñ ham

niiñd se jāgeñ nahīñ ye ahl-e-hindustāñ kabhī

is liye har zaat kā bhagvān le aa.e haiñ ham

zindagī ke mas.aloñ par koī charchā hī nahīñ

kis tarah kā ye nayā aivān le aa.e haiñ ham

qabil-e-tardid par iman le aae hain hum

be-sabab hi apne sar ehsan le aae hain hum

ranj-o-gham hon ya KHushi ho sab ke sab hain be-sabaat

bodhisatwon se yahi wigyan le aae hain hum

is liye bhi jism hai insaniyat ka tar-tar

aadmiyyat ko sar-e-maidan le aae hain hum

nind se jagen nahin ye ahl-e-hindustan kabhi

is liye har zat ka bhagwan le aae hain hum

zindagi ke masalon par koi charcha hi nahin

kis tarah ka ye naya aiwan le aae hain hum