qafile luT gae sar nok-e-sinan tak pahunche

qāfile luT ga.e sar nok-e-sināñ tak pahuñche

jab bahāroñ ke talabgār ḳhizāñ tak pahuñche

aap kā ishq masāfat hai to bas itnā ki ham

dasht-e-imkāñ se chale dasht-e-ziyāñ tak pahuñche

ham se pūchho ki simaT aatā hai kaise girya

lamhe lamhe kā safar bār-e-garāñ tak pahuñche

mere hisse meñ dilāse pe dilāse aa.e

ḳhush-nasībān-e-safar terī amaañ tak pahuñche

muddatoñ ḳhaak uḌaa.ī ga.ī sahrā sahrā

tab kahīñ jā ke tire nām-o-nishāñ tak pahuñche

bārhā zabt-e-musalsal ko bikharte dekhā

lafz-dar-lafz vo jab merī zabāñ tak pahuñche

phir na.ī raah nazar aane lagī hai mujh ko

jab mire saare yaqīñ husn-e-gumāñ tak pahuñche

qafile luT gae sar nok-e-sinan tak pahunche

jab bahaaron ke talabgar KHizan tak pahunche

aap ka ishq masafat hai to bas itna ki hum

dasht-e-imkan se chale dasht-e-ziyan tak pahunche

hum se puchho ki simaT aata hai kaise girya

lamhe lamhe ka safar bar-e-garan tak pahunche

mere hisse mein dilase pe dilase aae

KHush-nasiban-e-safar teri aman tak pahunche

muddaton KHak uDai gai sahra sahra

tab kahin ja ke tere nam-o-nishan tak pahunche

barha zabt-e-musalsal ko bikharte dekha

lafz-dar-lafz wo jab meri zaban tak pahunche

phir nai rah nazar aane lagi hai mujh ko

jab mere sare yaqin husn-e-guman tak pahunche