qasid aaya magar jawab nahin

qāsid aayā magar javāb nahīñ

mere likhe kā bhī javāb nahīñ

ḳhum to hai sāqiyā sharāb nahīñ

āsmāñ hai aur āftāb nahīñ

ban ke but sab vo kah guzarte haiñ

be-dahānī tirā javāb nahīñ

sub.h hote vo ghar ga.e apne

ab nikalne kā āftāb nahīñ

nuur vo hai ki kuchh nahīñ khultā

hai tire ruḳh pe yā naqāb nahīñ

tuur ke zikr par chamak uTThe

baat kī in butoñ ko taab nahīñ

garche duniyā hai ā.īna-ḳhāna

merā saanī tirā javāb nahīñ

ban gayā hai naqāb chehre kī

ki utartā kabhī itaab nahīñ

ruḳh se afshāñ chhuḌā ke kahte haiñ

aaj tāroñ meñ māhtāb nahīñ

chāñd ko raat kyā chhupā.egī

zulf ruḳh ke liye naqāb nahīñ

chaḌh ke utreñgī tevriyāñ sau baar

kuchh ye chaḌhtā huā shabāb nahīñ

kuchh nahīñ mere be-shumār gunāh

vo agar barsar-e-hisāb nahīñ

Dhal ke kahtā hai chaudhvīñ kā chāñd

ek shab se sivā shabāb nahīñ

mai to Dhal kar rahegī ai saaqī

kuchh ye ma.ashūq kā shabāb nahīñ

mai-kada bhī bahisht hai lekin

muft miltī yahāñ sharāb nahīñ

sun ke ye parde se nikal aa.e

terī tasvīr kā javāb nahīñ

aah ko sun ke muñh chhupāte ho

ek jhoñke kī bhī naqāb nahīñ

ḳhatm hotī nahīñ havas dil kī

ek tūfān hai shabāb nahīñ

dil jale jab maza hai rone kā

mai hai paanī agar kabāb nahīñ

ishq meñ hai 'jalīl' lā-sānī

husn meñ yaar kā javāb nahīñ

qasid aaya magar jawab nahin

mere likhe ka bhi jawab nahin

KHum to hai saqiya sharab nahin

aasman hai aur aaftab nahin

ban ke but sab wo kah guzarte hain

be-dahani tera jawab nahin

subh hote wo ghar gae apne

ab nikalne ka aaftab nahin

nur wo hai ki kuchh nahin khulta

hai tere ruKH pe ya naqab nahin

tur ke zikr par chamak uTThe

baat ki in buton ko tab nahin

garche duniya hai aaina-KHana

mera sani tera jawab nahin

ban gaya hai naqab chehre ki

ki utarta kabhi itab nahin

ruKH se afshan chhuDa ke kahte hain

aaj taron mein mahtab nahin

chand ko raat kya chhupaegi

zulf ruKH ke liye naqab nahin

chaDh ke utrengi tewriyan sau bar

kuchh ye chaDhta hua shabab nahin

kuchh nahin mere be-shumar gunah

wo agar barsar-e-hisab nahin

Dhal ke kahta hai chaudhwin ka chand

ek shab se siwa shabab nahin

mai to Dhal kar rahegi ai saqi

kuchh ye mashuq ka shabab nahin

mai-kada bhi bahisht hai lekin

muft milti yahan sharab nahin

sun ke ye parde se nikal aae

teri taswir ka jawab nahin

aah ko sun ke munh chhupate ho

ek jhonke ki bhi naqab nahin

KHatm hoti nahin hawas dil ki

ek tufan hai shabab nahin

dil jale jab maza hai rone ka

mai hai pani agar kabab nahin

ishq mein hai 'jalil' la-sani

husn mein yar ka jawab nahin