qatil-e-alam se kya yarana hai

qātil-e-ālam se kyā yārāna hai

dil charāġh-e-gor kā parvāna hai

har makāñ meñ jalva-e-jānāna hai

āshiqoñ kā har jagah afsāna hai

chhīn legā bahr-e-zulf-e-ambarīñ

ye dil-e-sad-chāk rashk-e-shāna hai

log kahte haiñ jise pīr-e-muġhāñ

yaar kā kyā jalva-e-mastāna hai

halqa-e-ādā meñ hai vo sīm-bar

ganj hai jis jā vahāñ vīrāna hai

jis jagah chalte the kal jām-e-sharāb

aaj vaañ ulTā huā paimāna hai

bai.at-e-dast-e-subū se ye khulā

sab se behtar mashrab-e-rindāna hai

kyuuñ na phāñse daulat-e-duniyā hameñ

hai vahāñ par daam jis jā daana hai

mard-e-āḳhir-bīñ ke aage mun.imoñ

kasrat-e-hastī bhī ik vīrāna hai

kaam kyā hai us ko mulk-o-māl se

paas jis ke himmat-e-mardāna hai

hijr meñ ashk-e-musalsal zāhidā

āshiqoñ kā sub.ha-e-sad-dāna hai

'muntahī' zer-e-qadam us yaar ke

sar kaTānā sajda-e-shukrāna hai

qatil-e-alam se kya yarana hai

dil charagh-e-gor ka parwana hai

har makan mein jalwa-e-jaanana hai

aashiqon ka har jagah afsana hai

chhin lega bahr-e-zulf-e-ambarin

ye dil-e-sad-chaak rashk-e-shana hai

log kahte hain jise pir-e-mughan

yar ka kya jalwa-e-mastana hai

halqa-e-ada mein hai wo sim-bar

ganj hai jis ja wahan virana hai

jis jagah chalte the kal jam-e-sharab

aaj wan ulTa hua paimana hai

baiat-e-dast-e-subu se ye khula

sab se behtar mashrab-e-rindana hai

kyun na phanse daulat-e-duniya hamein

hai wahan par dam jis ja dana hai

mard-e-aKHir-bin ke aage munimon

kasrat-e-hasti bhi ek virana hai

kaam kya hai us ko mulk-o-mal se

pas jis ke himmat-e-mardana hai

hijr mein ashk-e-musalsal zahida

aashiqon ka subha-e-sad-dana hai

'muntahi' zer-e-qadam us yar ke

sar kaTana sajda-e-shukrana hai