قبائے جاں کو سر راہ تار تار نہ کر

قبائے جاں کو سر راہ تار تار نہ کر

یہ زندگی ہے اسے نذر انتشار نہ کر

ہم اہل دل ہیں محبت ہمارا شیوہ ہے

ہمارے ساتھ سیاست کا کاروبار نہ کر

جدا ہوا ہے تو مجھ کو نہ ڈھونڈ رستوں پر

بچھڑ گیا ہے تو اب میرا انتظار نہ کر

ہمیں نہ دیکھ ہمارے عمل کی کر توقیر

وجود اصل حقیقت کو سنگسار نہ کر

قبول ہم کو تری بے رخی کا ہر انداز

مگر تو یوں سر بازار ہم پہ وار نہ کر

اچھال پھر نہ فضا میں لہو کی یہ بوندیں

ستم کی تیغ کو یاروں کے دل کے پار نہ کر