qadam hamare bhi rafta rafta sanbhal rahe hain

qadam hamāre bhī rafta rafta sañbhal rahe haiñ

mohabbatoñ ke charāġh rāhoñ meñ jal rahe haiñ

nahīñ kisī ko kisī se ab hai koī shikāyat

na.e zamāne ke zāviye bhī badal rahe haiñ

khuleñgī un kī bhī jald āñkheñ yaqīn rakhiye

jo log apne ta.iiñ ye āñkheñ masal rahe haiñ

samajh meñ aa.e na husn vaale kabhī hameñ to

hamārī ḳhātir ye log mushkil puzzle rahe haiñ

ye kashmakash hai bas ek tum ko hī bhūlne meñ

nahīñ to ab tak sabhī decision aTal rahe haiñ

jo apnī fitrat meñ har tarah se the saḳht patthar

vo mom ho kar tirī tapish se pighal rahe haiñ

nahīñ hamārā koī jahāñ meñ javāb 'ishrat'

na ham kisī ke yahāñ pe ne'mul-badal rahe haiñ

qadam hamare bhi rafta rafta sanbhal rahe hain

mohabbaton ke charagh rahon mein jal rahe hain

nahin kisi ko kisi se ab hai koi shikayat

nae zamane ke zawiye bhi badal rahe hain

khulengi un ki bhi jald aankhen yaqin rakhiye

jo log apne tain ye aankhen masal rahe hain

samajh mein aae na husn wale kabhi hamein to

hamari KHatir ye log mushkil puzzle rahe hain

ye kashmakash hai bas ek tum ko hi bhulne mein

nahin to ab tak sabhi decision aTal rahe hain

jo apni fitrat mein har tarah se the saKHt patthar

wo mom ho kar teri tapish se pighal rahe hain

nahin hamara koi jahan mein jawab 'ishrat'

na hum kisi ke yahan pe ne'mul-badal rahe hain