qadam qadam aasman bhi misl-e-zamin hai mujhko

qadam qadam āsmāñ bhī misl-e-zamīñ hai mujh ko

ye kā.enāt-e-nigāh bait-e-yaqīñ hai mujh ko

libās ban kar jo roz-o-shab ke badan pe jaagā

vo zindagī kā vajūd hī dil-nashīñ hai mujh ko

nigāh phere jo ḳhud-numā.ī mere yaqīñ se

to phir batā.ūñ hayāt kitnī hasīñ hai mujh ko

mujhe ḳhabar hai ki merī qismat meñ tū likhā hai

koī gumān-e-ġhalat bhī ḳhud par nahīñ hai mujh ko

na jaane kyoñ har nazar se us ko bachānā chāhūñ

vo aarzū jo har ek shai se hasīñ hai mujh ko

jahāñ laboñ kā vajūd hai buuñd buuñd tishna

vo shahr-e-fikr-o-nazar dayār-e-hazīñ hai mujh ko

bajā ki mere badan pe harf-e-anā likhā hai

tirī zarūrat bhī zindagī meñ kahīñ hai mujh ko

harīf 'parvāz' jis jagah hai mirā sarāpā

sukūn-e-dil iztirāb-e-paiham vahīñ hai mujh ko

qadam qadam aasman bhi misl-e-zamin hai mujh ko

ye kaenat-e-nigah bait-e-yaqin hai mujh ko

libas ban kar jo roz-o-shab ke badan pe jaga

wo zindagi ka wajud hi dil-nashin hai mujh ko

nigah phere jo KHud-numai mere yaqin se

to phir bataun hayat kitni hasin hai mujh ko

mujhe KHabar hai ki meri qismat mein tu likha hai

koi guman-e-ghalat bhi KHud par nahin hai mujh ko

na jaane kyon har nazar se us ko bachana chahun

wo aarzu jo har ek shai se hasin hai mujh ko

jahan labon ka wajud hai bund bund tishna

wo shahr-e-fikr-o-nazar dayar-e-hazin hai mujh ko

baja ki mere badan pe harf-e-ana likha hai

teri zarurat bhi zindagi mein kahin hai mujh ko

harif 'parwaz' jis jagah hai mera sarapa

sukun-e-dil iztirab-e-paiham wahin hai mujh ko