qadam qadam par tumhaari yun to inayaten bhi bahut hui hain

qadam qadam par tumhārī yuuñ to ināyateñ bhī bahut hui haiñ

mujhe mirī be-niyāziyoñ par nadāmateñ bhī bahut hui haiñ

ye mat samajhnā ki āñsuoñ hī se bhiig jaatī haiñ us kī palkeñ

ki bārhā chashm-e-nam se us kī karāmateñ bhī bahut hui haiñ

ajab tamāshā hai zulm sah kar bhī saare mazlūm mutma.in haiñ

unhīñ kī jānib se qātiloñ kī zamānateñ bhī bahut hui haiñ

mohabbatoñ meñ ḳhamoshiyāñ hī javāb hotī haiñ mo'tariz kā

agarche kuchh be-irāda mujh se vazāhateñ bhī bahut hui haiñ

hui hai iz.hār-e-ārzū meñ ḳhatā-e-tāḳhīr is liye bhī

rah-e-tamannā ujālne meñ tavālteñ bhī bahut hui haiñ

'shahāb' sāhil se bāñdh rakkho abhī purānī vo naav apnī

ki jas pe tūfānī naddiyoñ meñ masāfateñ bhī bahut hui haiñ

qadam qadam par tumhaari yun to inayaten bhi bahut hui hain

mujhe meri be-niyaziyon par nadamaten bhi bahut hui hain

ye mat samajhna ki aansuon hi se bhig jati hain us ki palken

ki barha chashm-e-nam se us ki karamaten bhi bahut hui hain

ajab tamasha hai zulm sah kar bhi sare mazlum mutmain hain

unhin ki jaanib se qatilon ki zamanaten bhi bahut hui hain

mohabbaton mein KHamoshiyan hi jawab hoti hain mo'tariz ka

agarche kuchh be-irada mujh se wazahaten bhi bahut hui hain

hui hai izhaar-e-arzu mein KHata-e-taKHir is liye bhi

rah-e-tamanna ujalne mein tawalten bhi bahut hui hain

'shahab' sahil se bandh rakkho abhi purani wo naw apni

ki jas pe tufani naddiyon mein masafaten bhi bahut hui hain