qadam uThe to gali se gali nikalti rahi
qadam uThe to galī se galī nikaltī rahī
nazar diye kī tarah chaukhaToñ pe jaltī rahī
kuchh aisī tez na thī us ke intizār kī aañch
ye zindagī hī mirī barf thī pighaltī rahī
saroñ ke phuul sar-e-nok-e-neza hañste rahe
ye fasl sūkhī huī Tahniyoñ pe phaltī rahī
hatheliyoñ ne bachāyā bahut charāġhoñ ko
magar havā hī ajab zāviye badaltī rahī
dayār-e-dil meñ kabhī sub.h kā gajar na bajā
bas ek dard kī shab saarī umr Dhaltī rahī
maiñ apne vaqt se aage nikal gayā hotā
magar zamīñ bhī mire saath saath chaltī rahī
qadam uThe to gali se gali nikalti rahi
nazar diye ki tarah chaukhaTon pe jalti rahi
kuchh aisi tez na thi us ke intizar ki aanch
ye zindagi hi meri barf thi pighalti rahi
saron ke phul sar-e-nok-e-neza hanste rahe
ye fasl sukhi hui Tahniyon pe phalti rahi
hatheliyon ne bachaya bahut charaghon ko
magar hawa hi ajab zawiye badalti rahi
dayar-e-dil mein kabhi subh ka gajar na baja
bas ek dard ki shab sari umr Dhalti rahi
main apne waqt se aage nikal gaya hota
magar zamin bhi mere sath sath chalti rahi
- Book : Hoshiyari Dil-e-Nadan Bahut Karta Hai (Pg. 29)
- Author :Irfan Siddiqi
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
