qadmon ke nishan sab mand paDe jo sang-e-mil tha TuT gaya

qadmoñ ke nishāñ sab maañd paḌe jo sang-e-mīl thā TuuT gayā

kuchh manzil mujh se chhūT ga.ī kuchh manzil se maiñ chhūT gayā

chehre kī ma.asūmī thī yā jalvoñ kā ro.ab thā haibat thī

baiThe the rūp-siñgār ko vo aur aa.ina gir kar TuuT gayā

ab aap akele shahr meñ haiñ kyā mujh se pāgal log nahīñ

ik merī qismat phūTī thī kyā sab kā muqaddar phuuT gayā

tārīkī phailne vaalī hai sūraj ko sañbhāl ke rakhiyegā

dīvār pe saa.e bikhre haiñ jo dhuup kā rang thā chhūT gayā

is husn-o-shabāb pe jitnā bhī ho nāz-o-ġhurūr hai kam lekin

sab jhūTe the kab sach bole kuchh maiñ bhī kah kar jhuuT gayā

rahbar to na thā rahzan bhī na thā kyā us ke ta.āruf meñ bolūñ

yā be-sar-o-sāmāñ maiñ hī thā yā jo kuchh thā vo luuT gayā

ik gandumī rang kā chehra thā aur phuul shagūfa lagtā thā

palkoñ ko 'adīm' vo Thes lagī guldasta ḳhvāb kā TuuT gayā

qadmon ke nishan sab mand paDe jo sang-e-mil tha TuT gaya

kuchh manzil mujh se chhuT gai kuchh manzil se main chhuT gaya

chehre ki masumi thi ya jalwon ka roab tha haibat thi

baiThe the rup-singar ko wo aur aaina gir kar TuT gaya

ab aap akele shahr mein hain kya mujh se pagal log nahin

ek meri qismat phuTi thi kya sab ka muqaddar phuT gaya

tariki phailne wali hai suraj ko sanbhaal ke rakhiyega

diwar pe sae bikhre hain jo dhup ka rang tha chhuT gaya

is husn-o-shabab pe jitna bhi ho naz-o-ghurur hai kam lekin

sab jhuTe the kab sach bole kuchh main bhi kah kar jhuT gaya

rahbar to na tha rahzan bhi na tha kya us ke taaruf mein bolun

ya be-sar-o-saman main hi tha ya jo kuchh tha wo luT gaya

ek gandumi rang ka chehra tha aur phul shagufa lagta tha

palkon ko 'adim' wo Thes lagi guldasta KHwab ka TuT gaya