qafas mein aaj koi gham-gusar bhi to nahin

qafas meñ aaj koī ġham-gusār bhī to nahīñ

ajiib vaqt hai zikr-e-bahār bhī to nahīñ

nigāh-e-nāz ko ilzām kis tarah diije

ḳhud apne dil pe hameñ iḳhtiyār bhī to nahīñ

ye mānte haiñ ki ab vo ghuTan nahīñ lekin

ḳhizāñ ke baad kā aalam bahār bhī to nahīñ

bhaTak rahe haiñ añdheroñ meñ kārvāñ ab bhī

koī charāġh sar-e-rahguzār bhī to nahīñ

sabhī ko merī tabāhī pe aa rahā hai taras

magar kisī kī nazar sharmsār bhī to nahīñ

hamāre ġham pe jahāñ hañs rahā hai kyoñ 'māhir'

hamārī tarah koī be-qarār bhī to nahīñ

qafas mein aaj koi gham-gusar bhi to nahin

ajib waqt hai zikr-e-bahaar bhi to nahin

nigah-e-naz ko ilzam kis tarah dije

KHud apne dil pe hamein iKHtiyar bhi to nahin

ye mante hain ki ab wo ghuTan nahin lekin

KHizan ke baad ka aalam bahaar bhi to nahin

bhaTak rahe hain andheron mein karwan ab bhi

koi charagh sar-e-rahguzar bhi to nahin

sabhi ko meri tabahi pe aa raha hai taras

magar kisi ki nazar sharmsar bhi to nahin

hamare gham pe jahan hans raha hai kyon 'mahir'

hamari tarah koi be-qarar bhi to nahin