qafas se KHud hi parinda riha kiya maine

qafas se ḳhud hī parinda rihā kiyā maiñ ne

phir us ke baad ye sochā ki kyā kiyā maiñ ne

vo aur bhī kisī chashm-e-kamāñ kī zad par thā

kuchh is liye bhī nishāna ḳhatā kiyā maiñ ne

ka.ī jahān nazar aa.e hairatoñ ke mujhe

ḳhud apnī samt darīcha jo vā kiyā maiñ ne

jo dard tū ne diyā tere iḳhtiyār meñ thā

vo zabt jo mire bas meñ na thā kiyā maiñ ne

vo āñkheñ māñgne aaya to merī aañkh khulī

use ḳhirāj meñ kyā kyā adā kiyā maiñ ne

qafas se KHud hi parinda riha kiya main ne

phir us ke baad ye socha ki kya kiya main ne

wo aur bhi kisi chashm-e-kaman ki zad par tha

kuchh is liye bhi nishana KHata kiya main ne

kai jahan nazar aae hairaton ke mujhe

KHud apni samt daricha jo wa kiya main ne

jo dard tu ne diya tere iKHtiyar mein tha

wo zabt jo mere bas mein na tha kiya main ne

wo aankhen mangne aaya to meri aankh khuli

use KHiraj mein kya kya ada kiya main ne