qahqahe ki maut hai ya maut ki aawaz hai
qahqahe kī maut hai yā maut kī āvāz hai
siskiyāñ letā huā ab zindagī kā saaz hai
ek saaya laḌkhaḌātā aa rahā hai is taraf
dekhiye to ik haqīqat sochiye tū raaz hai
ret meñ muñh Daal kar sāñsoñ kā us kā roknā
chand sikkoñ ke liye bachcha baḌā jāñbāz hai
soch kī manzil kahīñ hai aur āñkheñ haiñ kahīñ
jāntā huuñ kis meñ kitnī quvvat-e-parvāz hai
de rahā vo dilāse kyuuñ jafā karne ke ba.ad
chāhtā hai mujh se kyā kaisā mirā hamrāz hai
kis tarah hogā bayāñ hāl-e-dil-e-bīmār ab
āsmāñ barham hai aur ḳhāmosh chārasāz hai
daur aayā hai ajab 'anjum' yahāñ hoshyār-bāsh
zaaġh hai maḳhdūm aur ḳhādim yahāñ shahbāz hai
qahqahe ki maut hai ya maut ki aawaz hai
siskiyan leta hua ab zindagi ka saz hai
ek saya laDkhaData aa raha hai is taraf
dekhiye to ek haqiqat sochiye tu raaz hai
ret mein munh Dal kar sanson ka us ka rokna
chand sikkon ke liye bachcha baDa jaanbaz hai
soch ki manzil kahin hai aur aankhen hain kahin
jaanta hun kis mein kitni quwwat-e-parwaz hai
de raha wo dilase kyun jafa karne ke baad
chahta hai mujh se kya kaisa mera hamraaz hai
kis tarah hoga bayan haal-e-dil-e-bimar ab
aasman barham hai aur KHamosh chaarasaz hai
daur aaya hai ajab 'anjum' yahan hoshyar-bash
zagh hai maKHdum aur KHadim yahan shahbaz hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
